ໃນວັນທີ 16 ທັນວາ 2025,  ທີ່ ສູນອີນເຕີເນັດ ແຫ່ງຊາດ ໄດ້ຈັດກອງປະຊຸມ ປະເມີນກໍ່ສ້າງໜ່ວຍພັກປອດໃສ, ເຂັ້ມ​​​ແຂງ, ໜັກແໜ້ນຂອງໜ່ວຍພັກຮາກຖານ ສູນອີນເຕີເນັດ ແຫ່ງຊາດ ​ປະຈຳປີ 2025 ແລະ ສ້າງທິດທາງແຜນການປະຈໍາປີ 2026, ພາຍໃຕ້ການເປັນປະທານຂອງ ສະຫາຍ ມີນາໄຊ ພິລາວົງ, ຄະນະບໍລິຫານງານພັກກະຊວງ, ເລຂາໜ່ວຍພັກ ສູນອີນເຕີເນັດ ແຫ່ງຊາດ ຊຶ່ງມີບັນດາສະຫາຍຮອງເລຂາຫນ່ວຍພັກ, ອົງການຈັດຕັັ້ງພັກ ແລະ ສະມາຊິກພັກພາຍໃນໜ່ວຍເຂົ້າຮ່ວມ.

ຈຸດປະສົງແມ່ນເພື່ອຜ່ານບົດສະຫຼຸບການກໍ່ສ້າງໜ່ວຍພັກປອດໃສ, ເຂັ້ມ​​​ແຂງ, ໜັກແໜ້ນຂອງໜ່ວຍພັກຮາກຖານ ສູນອີນເຕີເນັດ ແຫ່ງຊາດ ​ປະຈຳປີ 2025 ແລະ ສ້າງທິດທາງແຜນການປີ 2026, ໜ່ວຍພັກຮາກຖານ ສູນອີນເຕີເນັດ ແຫ່ງຊາດ ເປັນໜ່ວຍພັກເອກະລາດຂຶ້ນກັບການຊີ້ນຳໂດຍກົງຂອງຄະນະປະຈຳພັກກະຊວງ ແລະ ເຮັດໜ້າທີ່ເປັນເສນາທິການທາງດ້ານວິຊາການເຕັກນິກ, ໂຄ່ງລ່າງພື້ນຖານດ້ານໂທລະຄົມມະນາຄົມ ແລະ ອິນເຕີເນັດ.